張敬軒網上綜藝節目《軒公敲碗》首集請來「大馬女神」林明禎擔任嘉賓，被他成功引導講粗口諧音後，昨晚播出的第二集，找來富貴KOL雪姨一齊去睇樓，兩人參觀了三個分別位於西貢約四千呎的獨立屋、西半山一千三百多呎的高層單位及南區約七百呎的中層單位的樓盤。
同場加映：廣告酬勞飆升｜MIRROR成員傳出騷身價高達50萬 AK：希望報道講嘅係真
化身為「一日限定地產仔」的軒仔，向雪姨推介西貢獨立屋有無邊泳池，雪姨即說：「啱晒，我鍾意裸泳呀！」當堂將軒仔嚇窒。及後，軒仔不忘介紹單位的風水，他說：「左青龍、右白虎，青龍位代表男士，白虎位代表女士，你睇吓巒頭幾靚呀。」雪姨笑問：「係咪㗎？講到咁真！」軒仔笑說：「我亂噏㗎咋！」但之後軒仔又說：「北水南山，九運吖嘛，我有學過㗎！其實所謂風水，都係環境學、心理學同地理學。」就連室內裝修，軒仔都有提供不少意見，令雪姨感到十分驚訝，她說：「好似帶咗個室內設計師嚟，坦白講，喺過去兩年，我都睇過超過一百間嘅樓盤，work with過好多唔同嘅經紀，真係從來冇一個係（你）咁專業。你係會分析埋風水、連室內設計、裝修所有嘢，真係太勁！你令我好有surprise。」
張敬軒邀「大馬女神」做節目嘉賓 林明禎被引導講粗口諧音【下一頁】
對於投資方面，軒仔指自己都有失利的時候，雪姨說：「你最出名係開餐廳，仲有咩？投資過性玩具？」軒仔一臉茫然問她：「你點知嘅？我冇投資，係我阿媽話要做，你有冇見過一個阿媽，帶住一個18、9歲嘅仔去行性用品交易市場，入到去，一支支、一嚿嚿，但我阿媽絲毫唔尷尬，佢仲同我講呢啲有得做，我阿媽可能feel到我幫唔到手。」雪姨表示可以輔助他，軒仔定過神來便說：「喺業務上！你講清楚啲，嘩！我個心真係離一離呀。」
陳凱琳與雪姨搞生意超夾無嗌交 睇鄭嘉穎新劇擔心Rafael會呷醋【下一頁】
此外，雪姨日前在社交平台直播一條一個國際品牌推出、價值6250元倒數月曆的開箱片段，她拆到一枝紅色唇膏、香水，大讚「ok，有誠意」，不過，她再拆到一塊鐵牌、她開始忍不住說：「俾塊鐵牌我，咩意思？坦白講，拆到而家，我仲未覺得值6000蚊，好，包返佢先，可能有啲驚喜喺後面。」，未幾，當她拆開一份禮物時，她大叫：「喂喂，大佬，輕飄飄嘅？布袋？我要個布袋做乜嘢呀？火都嚟喎！有冇搞錯。」雪姨已按捺不住，激動地說：「我下年一定唔會買，我人生最錯係今次，我投資從來冇失過手，真係想講粗口，呢鋪輸鑊甘。」MIRROR成員Frankie看過片段後，留言道：「多謝你嘅反應。」ERROR成員保錡亦指雪姨的反應好好笑。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】